“İnsanlara vurduğu mənəvi zərbəyə görə Xoşqədəmə “Əməkdar jurnalist” adı verildi”

Təxminən 3 il əvvəl Xoşqədəmin verilişinin xalqın mənəviyyatına ağır ziyan vurmasini, ruhi xəstələrdən istifadə etməsini, qəhrəmanlarının uydurma olduğunu yazdıq. Lakin ona insanlara vurduğu mənəvi zərbəyə görə “Əməkdar jurnalist” mükafatı verildi.

Bu günki açıqlamalar onu göstərir ki, Xoşqədəm hər verilişdə insanlara işgəncə verib, onlardan istədikləri “qəhrəman”ı düzəltmək üçün məlumatları saxtalaşdırmaqdan çəkinməyib, bəzilərinin qohumlarına iztirablar yaşadıb, insanların ağır və asılı vəziyyətindən sui-istifadə edib, tamaşaçılara qəsdən həqiqətə uyğun olmayan uydurma məlumatlar çatdırıb.

Bu məlumatlardan aydın görünür ki, Xoşqədəmin əməllərində ağır cinayətin əlamətləri mövcuddur. Normalda yayılan faktla bağlı prokurorluq dərhal araşdırmaya başlamalı, baş verənlərə hüquqi qiymət verməlidir.