İstanbulda 39 nəfərin öldürüldüyü gecə klubu yerlə-yeksan edildi – FOTO

Yanvarın 1-nə keçən gecə İstanbulun mərkəzində dəhşətli terror aktının törədildiyi “Reina” əyləncə mərkəzi sökülür. Lent.az Türkiyə mediasına istinadən xəbər verir ki, bu gün səhər saatlarında klubun söküntüsünə başlanılıb. Ekskavatorlar təxminən 45 dəqiqə müddətində tikilini yerlə-yeksan edib.

Bildirilir ki, məlum hadisədən sonra sahibləri tərəfindən qapadılan əyləncə mərkəzinin yerində başqa obyekt inşa ediləcək.

Qeyd edək ki, yeni il gecəsi “Reina”da törədilmiş terror aktında 39 nəfər həyatını itirib.