“Bir ildə 411 milyonluq satış olub” – Şirkət prezidenti

Bu gün Azercell Telekom 2017-ci ilin yekunlarına həsr olunmuş mətbuat konfransı keçirib.

“Qafqazinfo” xəbər verir ki, şirkətin prezidenti Vahid Mürsəliyev bildirib ki, 2017-ci ildə “Azercell” dövlət büdcəsinə 179.7 milyon manat, 21 il ərzində 1 milyard 637.5 milyon manat vergi ödəyib.

“Azərbaycanda telekomunikasiyanın inkişafına 2017-ci ildə 41 milyon 837 min 259 manat, 1996-2017 də 1 milyard 467 milyon 779 min 40 ABŞ dolları sərmayə yatırıb”.

Tədbirdə qeyd olunub ki, 2011-ci ildən bu vaxta qədər ən yaxşı nəticə də məhz 2017-ci il olub.

Belə ki, il ərzində 411 milyon manat satış həyata keçirib və bu məbləğin 50%-i qədər gəlir əldə edib.