Bakıda torpağın qiymətini bahalaşdıran səbəblər nədir – ŞƏRH

May-iyun aylarında Bakıda torpaq bazarında 1-2 faiz səviyyəsində qiymət artımı müşahidə olunacaq. Bunu daşınmaz əmlak sahəsində mütəxəssis Nüsrət İbrahimov deyib.

Əmlak məsələləri üzrə ekspert Ramil Osmanlı Sputnik Azərbaycan-a deyir ki, torpaq bazarındakı qiymət artımı mövsümlə əlaqədardır:

“Ümumiyyətlə, son dövrlər əmlak bazarında artım dinamikası müşahidə olunur. Bu, özünü həm topraq sahələrində, həm də digər daşınmaz əmlak subyektlərində göstərir. Müsbət təsir edən səbəblərdən biri makroiqtisadi vəziyyətin müsbətə doğru dəyişməsidir. Torpaq bazarındakı artımlar daha çox mövsümlə əlaqədar olduğu üçün, yəqin ki, bir müddət sonra regionlara doğru istiqamətlənəcək və Bakıda proses stabilləşəcək”.