“Brentford”, Premyer Liqanın qış fasiləsi zamanı Dubayda tətildə olan hücumçu İvan Toninin kluba qarşı təhqiramiz ifadələr işlətdiyi videonu araşdırır.
Qaynarinfo xəbər verir ki, hücumçu “f*** Brentford” dediyi videonun sosial mediada sızmasından sonra araşdırmalara başlanılıb.
30 milyon funt-sterlinq dəyərində qiymətləndirilən forvard Premyer Liqanın qış fasiləsində komanda yoldaşı Brayan Mbeumo ilə hazırda Dubayda istirahətini davam etdirir.
25 yaşlı futbolçu 2020-ci ilin avqustunda “Peterboro Yunayted”dən transfer olunub. O, ötən mövsüm 31 qol vurub.
Videonun sosial mediada yayılmasından sonra azarkeşlər oyunçudan cavab tələb ediblər. Bu mövsüm bütün yarışlarda 7 qol vuran Toni hələ ki, cavab vermir. “Brentford”dan “Mirror”a verilən açıqlamada isə videodan xəbərdar olduqları və araşdırma aparıldığı bildirilib.
Həmçinin oxuyun
Avropanı mat qoyan azərbaycanlı şahmatçı xanımın məşqçisi DANIŞDI – VİDEO
“2023-cü ildə Bakıda keçirilən Dünya Kuboku Ülviyyə Fətəliyeva üçün uğurlu olub. O bu yarışda iki …