“Ukrayna ordusu Baxmutu əldə saxlayır, irəliləyiş var” – Çerevatı

“Ukrayna Silahlı Qüvvələri Baxmutun cənub-qərb hissəsində binaları və istehkamları qoruyub saxlayır”.

Ukrayna Ordusunun Şərqi Qüvvələr Qrupunun nümayəndəsi Sergey Çerevatı telemarafonun efirində bildirib.

“Müdafiəçilərimiz şəhərin cənub-qərb hissəsində bir neçə bina və istehkamı saxlayırlar. İtki riski az olan yerdə bölmələrimiz düşmənə əks-hücum edərək irəliləməyə çalışır. Xüsusilə, son 24 saat ərzində bəzi ərazilərdə 200 metrlik bölgədə irəliləyiş müşahidə olunub”, – Çerevatı bildirib.

O qeyd edib ki, Baxmut Rusiya ordusu üçün prioritet hədəf olaraq qalır və onlar hələ də şəhəri tam nəzarət altına almağa çalışırlar.