Bu ilin əvvəlindən Almaniyada 9 minə yaxın miqrant uşaq itkin düşüb. Bu barədə Almaniyanın “Neue Osnabruecker Zeitung” qəzeti Federal Kriminal Polisin məlumatına əsasən xəbər yayıb.
2016-cı ilin yanvar ayından Almaniyada itkin düşən miqrantların sayı bir yarım dəfə artaraq 8991 nəfərə çatıb. Yanvar ayında 4749 miqrant uşaq yoxa çıxıb.
İtkin düşənlərdən 8046 nəfərin 14-17, 867 nəfərin 13 yaşdan kiçik, 78 nəfərin 18 yaşdan yuxarı yaş qruplarına aid olduğu bildirilir.
Kriminal polisin itkin düşənlərin hamısının cinayətkarların əlinə keçdiyinə dair dəlilləri yoxdur. Bəzən bu uşaqların Almaniyanın başqa şəhərlərində və ya Avropa ölkələrində yaşayan qohumlarının yanına getdiyi məlum olur.
Göründüyü kimi, itkin düşənlərin böyük əksəriyyəti miqrantların payına düşür. Həmin uşaqların bəzi Qərb ölkələrinin xüsusi xidmət orqanlarının əlinə keçməsi ehtimalına necə yanaşmaq olar? Bu versiya doğru çıxarsa, uşaqlardan gələcəkdə hansı məqsədlər üçün istifadə oluna bilər?
Təhlükəsizlik məsələləri üzrə ekspert Şəmsəddin Əliyev “Bakı-xəbər”ə açıqlamasında bildirdi ki, bu hadisənin məhz Almaniyada baş verməsi çox maraqlı görünür: “Bilirsiniz ki, Avropaya miqrant axını başlayan zaman buna ən açıq formada etirazı Almaniya etdi. Alman millətçiləri onları döydü, hətta düşərgələrinə belə od vurub yandırdı. Almaniya hökuməti bunun məsuliyyətindən yayına bilirdi. Deyirdilər ki, hadisələri törədənlərin hökumətlə heç bir əlaqəsi yoxdur. Sonradan alman siyasətçilər miqrantlarla bağlı sərt fikirlər işlətməyə başladı. Miqrant uşaqlarının başına gələnlərə müxtəlif rakurslardan yanaşmaq olar. Həmin uşaqlar mütəşəkkil cinayətkar qrupların əlinə keçə bilər. Onlardan müxtəlif məqsədlər üçün istifadə oluna bilər: narkoticarətdən tutmuş, orqan alverinə kimi. Ancaq bu versiya bir çox hallarda Almaniyanın öz polisi tərəfindən inkar edilir. Xüsusi xidmət orqanlarının uşaqları götürməsi versiyasını inandırıcı sayıram. Burda iki məqsəd güdülə bilər: miqrantlar arasında xof yaratmaq və gələcəkdə bu uşaqlardan öz dövləti maraqları üçün istifadə etmək. Miqrantların zahiri görkəmi onlardan müxtəlif əməliyyatlarda istifadə üçün tam imkan verəcək”.
Məhəmmədəli QƏRİBLİ
Ana səhifə / Cəmiyyət / Almaniyada itkin düşmüş 9 min miqrant uşağı müsəlman dünyasına qarşı yetişdirilir?
Həmçinin oxuyun
Bakı İstintaq Təcridxanasında bitin yayıldığı bildirilir
1 saylı Bakı İstintaq Təcridxanasında anoplura parazitinin (bit) yayıldığı bildirilir. Bu barədə qadın koloniyasına göndərilən məhkum …