Ağdamda işğaldan azad edilən 2 min hektardan çox sahədə buğda əkilib

Ağdam rayonunda işğaldan azad edilən ərazilərdə buğda əkini davam etdirilir.

Ağram rayon İcra Hakimiyyəti başçısının müavini Allahverən Əliyev Trend-ə bildirib ki, artıq işğaldan azad olunan 2 min 205 hektar əkin sahəsi tam olaraq minalardan təmizlənib:

“Təmizlənən sahənin 2 min 190 hektar şumlanıb. Şumlanmış ərazilərin hamısında buğda səpini aparılıb. Təmizlənmiş digər ərazilərin şumlanması prosesi davam etdirilir. Minalardan təmizlənən bütün ərazilər şumlanacaq, amma buğda səpini artıq dayandırılıb. Çünki fevral ayı başa çatandan sonra ərazilərdə yazlıq əkinə start veriləcək”.