Bu günlərdə Azərbaycan Beynəlxalq Bankının keçmiş sədri Cahangir Hacıyevin həyat yoldaşı Zamirə Hacıyevanın on il ərzində Londonun məşhur dükanı “Harrods”da 21 milyon dollar xərclədiyi ortaya çıxdı. Təbii ki, Zamirə xanım təkcə “Harrods”dan alış-veriş etmir. Digər bahalı mağazalar da onun maraq dairəsindədir…
İndi isə başqa bir nümunəyə baxaq. Reyçel Meqan Markl (ing. Rachel Meghan Markle) amerikalıdır. Aktrisa, model və humanitar yardım təşkilatçısı kimi tanınır. O, Uels şahzadəsi Harri ilə evlidir. Şahzadə Harri şahzadə Çarlz və onun birinci həyat yoldaşı şahzadə Diananın oğludur, Böyük Britaniya kraliçası II Yelizavetanın nəvəsidir. Hazırda Böyük Britaniya və Şimali İrlandiya Birləşmiş Krallığının taxt-tacına növbədə beşincidir. Və onun xanımı “Asos” şirkətinin 56 dollarlıq paltarını geyir…
Zamirə Hacıyeva Britaniya kral ailəsinin üzvü olsaydı, necə yaşayardı? Bu suala özünüz cavab tapmağa çalışın.