Bakıda hərbi orkestrlərin nümunəvi çıxışları təşkil olunacaq

Faşizm üzərində qələbənin 73-ci ildönümü münasibətilə mayın 9-da saat 17:00-dan 19:00-dək Bakı şəhərinin müxtəlif yerlərində hərbi orkestrlərin nümunəvi çıxışları təşkil olunacaq.

Orkestrlər şəhərin müəyyən edilmiş 5 nöqtəsində çıxış edəcək:

– Dənizkənarı Milli Parkda (Azadlıq meydanı qarşısında);

– Əhmədli qəsəbəsi Ukrayna dairəsi yaxınlığındakı Heydər Əliyev parkında;

– Zərifə Əliyeva parkında;

– Zabitlər parkında;

– Fəvvarələr meydanında.