Nadir Qafarzadə: “Mən metrodan istifadə etmirəm, heç açılmasın”

Bu avtobusda bir toyxanalıq adam var. Yəni virus bu adamlardan qorxur deyə avtobusa daxil olmur, ya necə?

Bu sözləri sosial şəbəkə hesabında müğənni Nadir Qafarzadə avtobuslardakı sıxlıq barədə yazıb.

Avtobusdan görüntülər paylaşan ifaçı sərnişinlərin sıxlığından gileylənib.

Məsələ ilə bağlı yenisabah.az-a danışan müğənni metronun açılıb-açılmamasının onun üçün əhəmiyyət kəsb etmədiyini deyib:

“Mən metrodan istifadə etmirəm, nəyimə lazımdır? Heç açılmasın. Mən ümumiyyətlə ictimai nəqliyyatdan istifadə etmirəm”.