Gənclik Mall-ın qarşısında dilənçi rəzaləti (Fotolar, video)

Musavat.com saytının yeni yaradılmış “Votsap xəbərləşmə” xəttinə bu dəfə də “Gənclik Mall” ticarət mərkəzinin qarşısındakı dilənçi terroru ilə bağlı xəbər yollayıblar. Əhali ticarət mərkəzindən çıxan kimi onların arxasınca düşən, israr edən biri dilənçi, digəri salfet kağız satıcısı olan qadından şikayət edirlər. Musavat.com xəbər verir ki, saytımıza məlumat yollayan oxucular dilənçi heyətinin ən yaxşı halda 2, ən pis halda isə 5-6 nəfərdən ibarət olduğunu deyir. Onlar ticarət mərkəzindən çıxan insanları yolboyu təqib edir, pul vermələri üçün yalvarır, israr edirlər. Bir çox hallarda dilənçilərdən qurtulmaq istəyən, amma buna nail ola bilməyən insanlar çox pərt vəziyyətə düşürlər.

Məlumatda həmçinin qeyd olunur ki, dilənçilər daha çox əcnəbi vətəndaşları görəndə israrın dozasını artırır. Onlar düşünür ki, əcnəbi ona mütləq kiçik də olsa, bəxşiş verəcək. Əhali, eləcə də orda ticarətlə məşğul olan şəxslər vəziyyətin düzəlməsi üçün müvafiq qurumlara şikayət etsələr də, bunun hər hansı nəticəsi olmadığını deyirlər.

****