Bakı Olimpiya Stadionu toy mərasimləri keçirməkdən imtina etdi

Bir müddət öncə idman yarışları ilə yanaşı, toy mərasimlərinin də keçiriləcəyi məkan olaraq gündəmə gələn Bakı Olimpiya Stadionunda intensiv işlər aparılır.

Bu haqda Modern.az-a Bakı Olimpiya Stadionunun PR, Media və Tədbirlər departamentinin rəhbəri Cəmilə Mehdiyeva bildirib.

O qeyd edib ki, stadionda toy keçirilməsi üçün müraciətlər olsa belə, artıq qəbul edilmir:

“Biz hazırda millimizin yarışlarına hazırlaşırıq. “Qarabağ” klubunun oyunları da burda keçiriləcək. Avropa liqası və Çempionlar liqasının finalının burda keçirilib-keçirilməyəcəyilə bağlı konkret cavab gözləyirik. Böyük planlarımız var, işlərimiz çoxdur”.