“Azərbaycanda jurnalistlərin həbsi ABŞ-ni narahat edir” – Metyu Miller

“Biz heç vaxt deməmişik ki, Azərbaycanla əlaqələrimizi davam etdirməyəcəyik”.
Bunu ABŞ Dövlət Departamentinin mətbuat xidmətinin rəhbəri Metyu Miller keçirdiyi ənənəvi brifinqdə deyib.
O bildirib ki, bu, Amerika Birləşmiş Ştatlarının maraqlarına ziddir:
“Hesab edirik ki, Azərbaycanla bütün diplomatik əlaqələrimizi dayandırmağımız regionda sülh və təhlükəsizlik maraqlarına zidd olardı.
Narahatlığımızı aydınlaşdırmaq üçün, məsələn, Azərbaycanın misalında, biz həm Azərbaycan, həm də Ermənistanla birbaşa əlaqə saxlamağa davam edirik. Son zamanlar jurnalistlərin həbsi tendensiyası bizi narahat edir. Biz onları hər kəsin insan hüquqlarına və əsas azadlıqlarına hörmət etməyə çağırmağa davam edirik, bu barədə keçmişdə bu tribunadan danışmışam. Biz, həmçinin onları Ermənistanla davamlı sülh əldə etməyə çağırmaq üçün onlarla əlaqə saxlamağa davam edirik və bu, diplomatik fəaliyyətimizin diqqət mərkəzində olacaq”, – deyə M. Miller bildirib.