İranda donuz qripindən 35 nəfər öldü, virus Azərbaycanla sərhədə yaxınlaşır

İranda donuz qripu epidemiyasının yayılması nəticəsində azı 35 nəfər xəstəxanalarda ölüb.

Virtualaz.org xəbər verir ki, bu barədə ölkənin səhiyyə nazirinin müavini Əli Əkbər Səyyari bildirib.

Məlumata görə hazırda virus İranın əsasən iki əyalətində geniş yayılıb. Bunlar cənub-qərb əyalətləridir. Girman vilayətinin inzibati mərkəzində virusdan 28 nəfər ölüb. Daha beş nəfər isə Sistan və Bəlucistan vilayətlərində dünyasını dəyişib. İran səhiyyə nazirliyi bildirir ki, virusun tezliklə Şərqi Azərbaycan, Qərbi Azərbaycan vilayətlərinə və paytaxt Tehrana da yayılacağı gözlənilir.Ölkənin səhiyyə müəssisələrinə virusa yoluxmuş 600-dan çox xəstə daxil olub.