Azinforum.az İnformasiya Portalı Onlayn Xəbər Portalı
Azinforum.az–ın məlumatına görə, tanınmış iqtisadçı Rövşən Ağayev məmurların xidməti maşınlarına dövlət büdcəsindən ayrılan vəsaitlə bağlı maraqlı məqamları açıqlayıb: “Prezidentin məmurlara bahalı maşın minməyi qadağan etməsi dünəndən bütün medianı məşğul edir.
Maraqlı bir faktı deyim sizə: hələ 2008-2009-cu ildə bir beynəlxalq təşkilatla layihəmiz vardı, hökumətin tenderlərini araşdırırdıq. O zaman araşdırma istiqamətlərindən biri də məmurların bahalı maşınları oldu.
Araşdırma nəticəsində məlum oldu ki, iriçaplı məmurlar arasında qiyməti 100-150 min dollar aralığında dəyişən 7-ci seriya BMW və S klass “Mersedes”lər dəbdədi.
Bir maraqlı məlumatı da deyim: 2007-2015-ci illərdə dövlət büdcəsindən nəqliyyat vasiələrinin alınmasına təxminən 500 milyon dollar (360 milyon manat) xərclənib.
Hələ o zaman bizim layihə ekspertləri Gürcüstan prezidenti Mişanın tətbiq elədiyi təcrübədən çıxış edərək təklif etdi ki, məmurlarımıza maksimum dəyəri 15 000 avro olan avtolar minsinlər – qanunla məbləğə limit tətbiq edilsin. Təəssüf ki, o dövrdə böyük neft pulları bütün rasional və effektiv təklifləri eşidilməz etmişdi”.
