Azərbaycanda 749 dini icma qeydiyyata alınıb

Azərbaycanda bu il 101 İslam, 4 qeyri-müsəlman dini icması olmaqla, dövlət qeydiyyatına alınmış dini icmaların ümumi sayı 749-a çatıb.

Azinforum.az-ın məlumatına görə, bu barədə Dini Qurumlarla İş üzrə Dövlət Komitəsinin ilin sonu ilə bağlı yaydığı hesabatda bildirilir.

İndiyədək dövlət qeydiyyatından keçmiş dini qurumlardan 721-i İslam, 28-i qeyri-islam təmayüllüdür. Sonunculardan 17-si xristian, 8-i yəhudi, 2-si bəhai və 1-i krişna şüuru dini icmasıdır.