Günel Faiqi, Nazpərini, Brilliantı, Aygünü parodiya edir — VİDEO

Müğənni Günel Zeynalovanın efirdəki ilk çıxışının videosu yayılıb.

Tanınmış rejissor Nazim Zeynalovun şəxsi arxivindən olan video 1998-ci ildə ildə Ofeliya Sənaninin aparıcısı olduğu “Gəl, səhərim” verilişindəndir. Proqramda Günelin qardaşı Tunar Rəhmanoğlu, əməkdar artist Süleyman Zeynalov və müğənni İlahə Fəda da iştirak ediblər.

Zeynalova aparıcıdan “Ofeliya xala, olar Süleyman əmidən sonra parodiya göstərim” deyə icazə istəyir. İlahə Fədanın “birdən məni parodiya edərsən” sözündən sonra isə “xeyr, bibi” deməklə vəziyyətdən çıxır. 13 yaşlı Günel çıxışı müddətində Faiq Ağayevi, Nazpəri Dostəliyevanı, Brilliant Dadaşovanı, Aygün Kazımovanı parodiya edir. Ölkə.Az