Azərbaycan Avrasiya məkanında gedən prosesləri izləyir. Ancaq Avrasiya İttifaqına üzvlük üçün iqtisadi, sosial və siyasi motivlər olmalıdır.
Prezident İlham Əliyev bu barədə Rusiyanın “Sputnik” beynəlxalq informasiya agentliyinin direktoru Dmitri Kiselyova verdiyi müsahibədə danışıb.
İlham Əliyevin sözlərinə görə, Azərbaycanın Avrasiya İttifaqına üzvlüyünü istisna etmək olmaz. Ancaq ölkə indiki statusunda özünü daha inamlı hiss edir. “Bu haqda söhbət ekspertlər səviyyəsində, müxtəlif ölkələrin siyasi elitalarında çoxdan gedir. Belə deyərdim: biz prinsipcə hazırkı mövqeyimizdə olmaqdan özümüzü çox rahat və inamlı hiss edirik…Ona görə də gərək baxaq ki, hansı tendensiyalar baş verəcək. Əlbətdə, əgər İttifaq cəlbedici olsa çoxları ora can atacaq. Ona görə də heç nəyi istisna etmək olmaz, lakin mən indiki mərhələni məhz belə xarakterizə edərdim”-prezident Əliyev bildirib.