İranda 6,3 bal gücündə zəlzələ olub.
Virtualaz.org xarici KİV-ə istinadən bildirir ki, bu barədə Avropa Seysmologiya Mərkəzi məlumat yayıb.
Yeraltı təkanlar Bakı vaxtı ilə 06.32-də Kerman şəhərindən 65 km şimal-şərqdə qeydə alınıb. Zəlzələnin ocağı 13 km dərinlikdə olub.
Dağıntılar və xəsarət alanlar barədə məlumat yoxdur.
Xatırladaq ki, noyabrın ortalarında İranın İraqla həmsərhəd Kermanşah əyalətində 7,2 bal gücündə zəlzələ olmuşdu. Nəticədə 505 nəfər ölmüş, 12 mindən çox insan xəsarət almışdı.