“Serialın Elm və Təhsil Nazirliyi ilə heç bir əlaqəsi yoxdur” – Açıqlama

Elm və Təhsil Nazirliyi sosial şəbəkələrdə “müəllim-jurnalist” münasibətinə dair videoçarxa münasibət bildirib.

Nazirlikdən AzVision.az -ın sorğusuna cavab olaraq bildirilib ki, sosial şəbəkələrdə yayılan görüntü İctimai Televiziyada yayımlanan “Gündəlik” serialından bir hissədir.

“Sözügedən serialın ideya və məzmununun Elm və Təhsil Nazirliyi ilə heç bir əlaqəsi yoxdur. Xahiş edirik ki, sorğunuzu aidiyyəti üzrə serialın ideya və ssenari müəllifinə və ya yayımçıya ünvanlayın”.