Azinforum.az İnformasiya Portalı Onlayn Xəbər Portalı
Leyla və Arif Yunusların Ağır Cinayətlər üzrə İşlər Məhkəməsində keçirilən məhkəmə iclasının növbəti iclası başlanıb.
“Yeni Müsavat”ın əməkdaşının verdiyi xəbərə görə, ötən dəfələrdə olduğu kimi, bu dəfə də prosesə gələnlər zala buraxılmayıblar. Bu dəfə diplomatik korpusların təmsilçilərinə də güzəşt edilməyib: Fransa səfirliyinin nümayəndələri də bayırda qalıblar.
Verilən məlumata görə, bugünkü prosesdə müdafiə tərəfinin vəkilləri çıxış edəcəklər. Leyla və Arif Yunuslar son sözlərini deyəcəklər.
Məhkəmə başlamazdan əvvəl vəkillər mətbuata verdikləri açıqlamalarda bildirdilər ki, çıxışlarında əsasən, Yunuslara qarşı irəli sürülmüş ittihamlarda cinayət tərkibinin olmadığını vurğulayaraq, onlar barəsində bəraət verilməsini tələb edəcəklər.
Yunusların məhkəməsində vəkillərin çıxışı başa çatıb.
Hazırda Leyla Yunus məhkəmədə son söz demək hüququndan istifadə edir.
Məhkəməyə gələn azsaylı insanlar binanın önündə gözləyirlər.
Günün sonunda hökmün oxunacağı gözlənilir.
Musavat.com
