Bakı şəhəri Səbail rayonu Salyan şossesi 14-cü km 2, korpus A, 1A ünvanında yerləşən qeyri-yaşayış sahəsi hərrac vasitəsilə satışa çıxarılıb.
İcra məmurlarının sifarişi əsasında hərraca çıxarılan obyekt 3 mərtəbədən ibarətdir.
Satışa çıxarılan obyektin sahəsi 1 438,9 kvadrat metrə bərabərdir. 14 otaqdan ibarət olan obyektin  ilkin satış qiyməti 2 milyon 700 min manat təşkil edir.
Qeyd edək ki, bu obyektdə “ACE Forvarding” adlı şirkət fəaliyyət göstərib. Səbail rayonu Salyan şossesi 14-cü KM ünvanı eyni zamanada 2004-cü ildə dövlət qeydiyyatına alınan “ACE Forwarding Caspian” Şirkətinin (VÖEN – 1700057041) hüquqi ünvanı olub. Qanuni təmsilçisi Villiam Fransis Quinn olan şirkət hazırda passiv vergi ödəyicisdir. 2019-cu ildə dövlət qeydiyyatına alınan “ACE Forvarding” MMC (VÖEN – 1702619381) adlı şirkətə isə Con Oliver Quinn rəhbərlik edir.
Şirkətin rəsmi saytında qeyd olunub ki, “ACE Forvarding” 1996-cı ildə multimodal logistika və ekspeditor şirkəti kimi Azərbaycanda yaradılıb. Bildirilir ki, şirkətin Azərbaycan və Gürcüstanda 100-dən çox işçisi var. “ACE Forwarding” şirkətinin ilk dəfə 1994-cü ildə Şotlandiyada yaradıldığı qeyd olunur. Yeniavaz