Azərbaycanda karantin rejiminin müddəti yenə də uzadıldı
Azərbaycanda xüsusi karantin rejiminin müddəti növbəti dəfə uzadılıb.
Baş nazir Əli Əsədov iyunun 24-də bununla bağlı yeni qərar imzalayıb.
Sənədə əsasən, ölkə ərazisində xüsusi karantin rejiminin müddəti 2026-cı il oktyabrın 1-nə qədər qüvvədə qalacaq. Sənəddə bu addımın koronavirus (COVID-19) infeksiyasının yayılmasının və onun törədə biləcəyi fəsadların qarşısının alınması məqsədilə atıldığı qeyd olunub.
Ümumdünya Səhiyyə Təşkilatı (ÜST) isə pandemiyanın başa çatdığını 2023-cü il mayın 5-də bəyan edib.