Ehtiram Quliyevə görə "Turan Tovuz" böyük məbləğdə cəzalandırıldı
AFFA-nın İntizam Komitəsi Azərbaycan Kubokunun yarımfinalı üzrə keçirilən "Turan Tovuz" - "Zirə" oyununda yaşananlara görə cərimələr tətbiq edib.
“Turan Tovuz”un azarkeşləri hakimlərin ünvanına kütləvi şəkildə təhqiramiz ifadələr səsləndirdiyinə görə klub 5000 manat, idarə heyətinin sədri Ehtiram Quliyev AFFA-nın, onun orqanlarının və ya üzv təşkilatlarının nüfuzunu və etibarlılığını qəsdən alçaldan, şübhə altına qoyan açıqlamalar verdiyinə görə isə 15000 manat cərimə ödəməli olacaq.
Həmin oyunda “Zirə”nin heyətində 4 nəfər sarı vərəqə aldığı üçün isə kluba 700 manat cəza kəsilib.
Qeyd edək ki, sözügedən görüş "qartallar"ın 2:0 hesablı qələbəsi ilə yekunlaşmışdı. Offsideplus.az