Bazar ertəsi , Oktyabr 21 2019
Ana səhifə / Tibb / Xərçəngə səbəb olan ən təhlükəli qida məhsulları

Xərçəngə səbəb olan ən təhlükəli qida məhsulları

Mütəxəssislər sübut edir ki, xərçəng xəstəliklərinin 1/3 hissəsinin səbəbi həyat tərzi və qidadır.

Rus alimləri müxtəlif elmi araşdırmaların nəticələrini birləşdirib ən güclü kanserogen xüsusiyyətlərə malik olan qidaları müəyyən ediblər.

Azinforum.az saglamolun.az-a istinadla bu məhsulların siyahısını sizə təqdim edir.

1. Spirtli içkilər

Spirtli içkilərin çoxlu miqdarda qəbulu bütün orqanizmə ziyan vurur, xərçəngin riskini xeyli artırır. Bu xüsusilə ağız boşluğu, qida borusu, mədə, qaraciyər, nəfəs yolları xərçənginə aiddir. Maraqlıdır ki, qadınlara spirtli içkilərin qəbulu kişilərlə müqayisədə daha güclü mənfi təsir edir, onlarda cinsiyyət sistemi xərçənginin riskini artırır.

2. Emal olunmuş ət

Sosiska, kolbasa, vetçina və s. məhsullar düz və yoğun bağırsaq xərçənginin riskini artırır.

3. Hisə verilmiş məhsullar (ət, toyuq, balıq)

Hisə verilmə prosesi zamanı məhsullara benzapiren maddəsi keçir. Bu maddə ən güclü kanserogenlərdən biri sayılır.

4. Qaynar çay

Qaynar içkilər və qidalar ağız, boğaz və qida borusunun selikli qişalarını yandırır, selikli qişalarda patoloji proseslərin inkişafına təkan verir. Bu isə bu orqanların xərçəng xəstəliklərinin riskini artırır.

5. Qaxsımış qoz-fındıq

Xarab olmuş qoz-fındığın tərkibində aflatoksinlər əmələ gəlir. Güclü zəhər olan aflatoksinlər xüsusilə qaraciyərə çox mənfi təsir edir, qaraciyər xərçənginin inkişafının riskini artırır.

Həmçinin oxuyun

Oğlan övladı istəyən əsəbləşməsin

Nyu-Yorkun Kolumbiya Uuniversitetinin alimlərinin araşdırmalarına görə, güclü stres yaşayan qadınlar adətən qız uşağı dünyaya gətirirlər. …