Bazar ertəsi , May 20 2024
Ana səhifə / Tibb / TƏBİB Rza Zərrabın qohumlarının şirkətindən 85 min manata “Hyundai” alır

TƏBİB Rza Zərrabın qohumlarının şirkətindən 85 min manata “Hyundai” alır

Tibbi Ərazi Bölmələrini İdarəetmə Birliyinin (TƏBİB) tabeliyində fəaliyyət göstərən “Rəqəmsal Tibbi Həllər” MMC “Auto Azərbaycan” MMC (VÖEN – 1500040601) ilə satınalama müqaviləsi imzalayıb.
TƏBİB “Auto Azərbaycan”dan 84 min 900 manat dəyərində xidməti minik avtomobili satın alacaq.
Məlumat üçün bildirək ki, “Hyundai” markalı avtomobillərin Azərbaycandakı rəsmi distributoru “Auto Azərbaycan” MMC 9 iyul 1996-cı ildə dövət qeydiyyatına alınıb. Nizamnamə kapitalı 15 milyon 352 min 742 dollar olar MMC-nin hüquqi ünvanı Nərimanov rayonu, Ziya Bünyadov, ev 118-də yerləşir. MMC-nin qanuni təmsilçisi İsmayılov Emil Hüseyn oğludur.
Onu da qeyd edək ki, “Auto Azərbaycan” MMC Türkiyədə yaşayan İran əsilli Eromi ailəsinin təsis etdiyi “NAB Holdinq” şirkətlər qrupuna daxildir. “NAB Holdinq” şirkətlər qrupuna “Bank of Baku”, “Baku Electronics”, “Qafqaz Lizinq”, “Buta Sığorta”, “Baku Service Company”, “Auto Azərbaycan” kimi şirkətlər daxil olub. “Qafqaz Lizinq” və “Buta Sığorta” fəaliyyətini dayandırsa da, digər şirkətlər öz fəaliyyətlərini davam etdirirlər.
Qeyd edək ki, Türkiyə mətbuatında “NAB Holdinq”in İdarə Heyətinin sədri Behram Erominin İran əsilli məşhur iş adamı Rza Zərrabın bacısının həyat yoldaşı olduğu yazılıb və məlumat bu günə kimi təkzib olunmayıb.

Həmçinin oxuyun

Azərbaycanda 10 yaşlı qız 3-cü dəfə ürək əməliyyatı olunub – FOTO

Azərbaycanda 10 yaşlı qız 3-cü dəfə ürək əməliyyatına məruz qalıb. Həkimlər 2014-cü ildə Qubanın Möhüc …