Cümə axşamı , Mart 28 2024
Ana səhifə / Tibb / Tanınmış həkim Aftandil Mehdiyev vəfat edib – FOTO

Tanınmış həkim Aftandil Mehdiyev vəfat edib – FOTO

Tanınmış həkim, otorinolarinqoloq Aftandil Mehdiyev aprelin 5-də vəfat edib. Modern.az-ın məlumatına görə, bu barədə mərhumun qohumları bildiriblər.

A.Mehdiyev 1967-1973-cü illərdə N. Nərimanov Azərbaycan Tibb Universitetində təhsil alıb.

1973-1974-cü illərdə M. Ə. Əfəndiyev adına 2 saylı şəhər kliniki xəstəxanasında otolarinqologiya üzrə internaturanı keçib.

1973-1974-cü illərdə Bakı Şəhər Respublika Xəstəxanası otorinolarinqoloq kafedrasında kurs keçib.

1974-1977-ci illərdə Naxçıvan MR-in Şahbuz rayon mərkəzi xəstəxanasında həkim-otorinolarinqoloq vəzifəsində çalışıb.

1977-1994-cü illərdə Naxçıvan MR-in Şərur rayon mərkəzi xəstəxanasında həkim-otorinolarinqoloq vəzifəsində çalışıb.

1994-cü ildən bu günə qədər Bakı şəhəri 32 saylı Birləşmiş Şəhər Xəstəxanasında həkim-otorinolarinqoloq vəzifəsində çalışırdı.

Eyni zamanda 2008-ci ildən indiyə kimi Xətai Estetik Klinikasında həkim-otorinolarinqoloq vəzifəsində işləyirdi.

Şərur rayonunun Yuxarı Daşarx kəndinin sakinləri Aftandil Mehdiyevin vəfatından kədərləndiklərini bildirir, mərhumun yaxınlarına dərin hüznlə başsağlığı verirlər.

Allah rəhmət eləsin…

Həmçinin oxuyun

Sarımsağın bu ziyanlarını bilirsiniz?

Sarımsaq həm qida, həm də dərmandır. Amma onun da çox yeyilməsinin bir çox orqanlara mənfi …