Cümə axşamı , Sentyabr 23 2021
Ana səhifə / Tibb / “Körpələri atıb-tutmaq, silkələmək beynini zədələyə bilər” – Baş pediatr

“Körpələri atıb-tutmaq, silkələmək beynini zədələyə bilər” – Baş pediatr

“Bir çox insanların düşündüyünün əksinə olaraq qatılaşdırılmış südün ana südünü artırmağa təsiri yoxdur, əksinə ziyandır”.

Bunu Səhiyyə Nazirliyinin “İnstagram” səhifəsindəki canlı yayımda Baş pediatr Erkin Rəhimov bildirib. Onun sözlərinə görə, südün artması üçün ilk olaraq ana psixoloji olaraq rahat olmalıdır, bol-bol maye içməlidir:
Həkim deyib ki, uşaq 21-ci gününə qədər rahat yatırsa, sonra narahat yatırsa demək problem köp ola bilər:

“Bu zaman ana qidasına müəyyən qədər diqqət edə bilər. 1 aydan 3,5 aya qədər uşaqlarda köplə bağlı ağlamaq, narahatlıq ola bilər. Uşaqlarda nevroloji inkişaf pillələri var. Uşaqlar bir-birindən fərqlidir. Bəzən də uşağı silkələyirlər, uşağın beyni balacadır, ətrafı da sudur.
Ani silkələnmə beynin zədələnməsinə səbəb ola bilər. Xüsusilə 6 aya qədər qətiyyən olmaz. Körpələri atıb-tutmaq, silkələmək olmaz. Eyni zamanda, uşaqlarda sarılıq olur bəzən və 2 həftədən artıq davam edir. Əgər 2 həftədən artıq davam edirsə, əgər başqa diaqnozla hər hansı problem görülmürsə, bu, gec ana südü sarılığı ola bilər. Bu, bəzən 3-4, bəzən hətta 6 aya qədər davam edə bilər. Yenə də süd verilməlidir, südün verdiyi fayda çox üstündür”.

Həmçinin oxuyun

Tualetə əsla telefonla girməyin: Bu xəstəliyə səbəb olur – VİDEO

Müasir dövrdə demək olar ki, hər kəs telefondan asılı bir vəziyyətə düşüb. Hətta bir çoxlarımız …