Çərşənbə axşamı , Mart 2 2021
Ana səhifə / Tibb / Koronavirusa qarşı təkrar peyvəndə ehtiyac varmı?

Koronavirusa qarşı təkrar peyvəndə ehtiyac varmı?

Artıq bir neçə həftədir ki, ölkəmizdə yeni növ koronavirus (COVID-19) infeksiyasının qarşısını almaq üçün peyvəndləmə prosesi aparılır.

Bunu Səhiyyə Nazirliyinin baş infeksionisti Təyyar Eyvazov deyib.

Onun sözlərinə görə, vaksinasiya və karantin rejimi pandemiyanın mümkün qədər tez bitməsini təmin edə bilər: “Bu prosesdən sonra yoluxma hallarının sayında azalma gözlənilir. Hələlik vaksinasiya edilənlər yalnız bir inyeksiya alıblar. İkinci inyeksiya ediləndən sonra bir müddət keçməlidir ki, orqanizmdə infeksiyaya qarşı anticisimlər formalaşsın. Yalnız həmin prosesdən sonra vaksinasiyanın ilk nəticələrini görmək olar. Vaksin olunanların sayı artdıqca, müsbət nəticələr də özünü göstərəcək. İnfeksionistlər peyvəndləmənin vacib olduğunu hesab edirlər, çünki peyvənd virusun mövcud forması ilə deyil, həm də onun mutasiya olunmuş formaları ilə mübarizə aparmağa imkan verir”.

“Vaksin vurulandan sonra da xəstələnmək mümkündür. Bu, bir tərəfdən inyeksiyadan sonra az müddət keçdiyinə görə vaksinin öz təsirini göstərməməsi və qoruyucu anticisimlərin formalaşmaması ilə əlaqədar ola bilər. Yaxud peyvənd olunandan sonra əmələ gələn immunitetin zəifləməsi nəticəsində baş verə bilər. İmmunitet zəifləyirsə, peyvənd olunan şəxsdə əmələ gələn anticisimlərin sayı azalırsa, təkrar peyvəndə ehtiyac var. Buna görə də sanitar və gigiyenik qaydalara mütləq şəkildə əməl olunmalıdır”, – deyə baş infeksionist bildirib.

Həmçinin oxuyun

“Operativ Qərargah bilmir ki, nəyi bağlasın, nəyi açsın” – AÇIQLAMA

Son günlər Nazirlər Kabineti yanında Operativ Qərargahın verdiyi məlumatlardan bəlli olur ki, koronavirusa yoluxma sayı …