Dünya əhalisinə xəbərdarlıq: şəkər qəbulu azaldılsın

Ümumdünya Səhiyyə Təşkilatı (ÜST) dünya əhalisini şəkər qəbulunu azaltmağa çağırıb.

Oxu.Az xəbər verir ki, bu barədə BMT-nin Twitter səhifəsində məlumat yayılıb.

ÜST ekspertləri hesab edir ki, normal çəki indeksi olan insan gün ərzində 6 çay qaşığından çox şəkər qəbul etməməlidir.

Səhiyyə ekspertlərinin təbirincə, “şəkər” şirin sayılmayan məhsulların belə tərkibində “gizlənir”. Məsələn bir xörək qaşığı miqdarında ketçupun tərkibində bir çay qaşığı şəkər olur. Şirin qazlı su bankasında isə 10 çay qaşığı miqdarında şəkər yer alır.

ÜST tövsiyələri təkcə şəkərə deyil, eyni zamanda bal, sirop, meyvə şirələri və konsentratlara şamil olunur.