Azinforum.az İnformasiya Portalı Onlayn Xəbər Portalı
10 ildir Yevlaxın Yuxarı Qarxun kənd orta məktəbində daxili qaydalar tətbiq olunur.
Burada təhsil alan şagirdlər, müəllimlər və məktəbdə çalışan digər əməkdaşlar binadan içəri daxil olmadan öncə ayaqqablarını çıxararaq sellofan torbaya qoyurlar. Digər təmiz ayaqqablarını geyinərək məktəbin dəhlizinə daxil olurlar.
Şagirdlər də bildirirlər ki, bu qaydanın tətbiq olunmasında məqsəd məktəb binasının içərsinin təmiz vəziyyətdə saxlanmasıdır. “Ayaqqabımı soyunuram sonra torbadan çıxardıb o birisini geyinirəm. Çünki məktəb batmasın evdən gəldiyim ayaqqabım kirli olur palçıq olur” deyə şagird Zamiq Həsənli bildirib.
Məktəbin direktoru Ruqiyyə Abdurrəhimova isə bu işi valideynlərin və aidiyyatı qurumların razılığı əsasında həyata keçirdiklərini bildirir.
“Uşaq gəlirdi içəri girdi təmizdəmək biraz çətin olurdu suyumuzda da problem vardı ona görə də biz belə bir qərara gəldik ki,müəllim və şagird kollektivi hamı bir yerdə 2-ci bir ev ayaqqabısı gətirsin burda dəyişik giyək. Biz bunu tətbiq elədik və gördük ki, yaxşı nəticə verir. Valideynlər də narazı olmadı” – deyə, məktəbin direktoru Ruqiyyə Abdurrəhimova bildirib. Məktəb direktorunun sözlərinə görə belə qaydalar öz effektini verir. (Region TV)
