Ana səhifə / Şou Biznes / “Yazırlar ki, “vor-zakon” məclisində oxumuşam” – Damla

“Yazırlar ki, “vor-zakon” məclisində oxumuşam” – Damla

Müğənni Damla ötən gün sosial şəbəkədə yayılan videosu barədə açıqlama verib.  “Qafqazinfo”ya danışan sənətçi Gürcüstandakı toyda silah açılan zaman təşvişə düşdüyünü bildirib. 

Damla qeyd edib ki, sosial şəbəkələrdə yazıldığı kimi “vor-zakon” məclisində çıxış etməyib: “Gürcüstanda iş adamının şəxsi evində keçirilən məclis idi. Sosial şəbəkələrdə yazırlar ki, kişi toyunda, “vor-zakon” məclisində oxumuşam. Orada qadınlar da var idi. Azərbaycan ailəsinin toyunda çıxış etmişəm, bəy və gəlin də olub. İfam zamanı silah açıldı, təşvişə düşdüm, hardasa 15 dəqiqə mahnı oxuya bilmədim. 

Ailədən olan xanımlar mənə yaxınlaşıb dedilər ki, bu, bizdə adətdir, sevimli qonağımız olanda havaya silah atırıq. Üzr istədilər. Bəziləri deyir ki, bu, mənə olan hörmətsizlikdir. Xeyr, belə deyil. Məni hörmətlə qarşılayıb sevgi ilə yola saldılar. 

Bəylə gəlin zala daxil olanda da silah açdılar. Sevindiklərindən belə edirlər. Sadəcə, anidən olduğu üçün təşvişə düşdüm”. 

Həmçinin oxuyun

“Məni 3 manatlıq şorbaya görə iftara dəvət etməyin”

“Məni 3 manatlıq şorbaya görə iftara dəvət etməyin”Müğənni Kərim Abasov onu iftar süfrəsinə dəvət edən …