Prodüser Tarix Əliyev(Tolik) Xaçmazda dəfn olunan şəhidimiz 22 yaşlı Elvin Azadxan oğlu Mirzəyevin başdaşı xərclərini qarşılayacaq.
Moderator.az xəbər verir ki, bu barədə o, sosial şəbəkədə bildirib. Talış yüksəkliyi uğrunda şəhid olan ŞƏHİDİMİZƏ başdaşı qoyulmasına pul tapılmadığını eşidən Tolik əsəbiləşib:
“Xaçmazda yaşayan instagram dostlarımdan bir xahişim var. Mənə Elvin Mirzəyevin ailəsinin nömrəsini tapsınlar. Əgər Xaçmazın icra başçısının şəhidimizn qəbir daşını qoydurmağa 500 manatı yoxdursa, mən ona mərmərdən qəbir daşı qoyduraram. Allah bu Vətən uğrunda ölən hər bir şəhidimizə rəhmət eləsin. Mən bunu nəyəsə görə yazmıram ki, mənə tərif oxusunlar. Nömrəsini tapıb yazın mənə, sabah gedirəm Xaçmaza”.