Bazar ertəsi , Sentyabr 23 2019
Ana səhifə / Şou Biznes / Tiflisdə gürcülər Qəbələdən gedən azarkeşləri döydü

Tiflisdə gürcülər Qəbələdən gedən azarkeşləri döydü

Xəbər verdiyimiz kimi, dünən Avroliqanın ilkin təsnifat mərhələsi çərçivəsində Gürcüstanın paytaxtı Tiflisdə keçirilən “Dinamo” – “Qəbələ” oyununda meydan sahibləri qələbə qazanıblar – 2:1.

Sport7.az saytının verdiyi xəbərə görə, Tiflisdə 3 insident yaşanıb.

Əvvəlcə oyuna Bakıdan “Qəbələ”yə azarkeşlik etmək üçün gələn “Sektor11” fan-klubunun 4 üzvü stadiona yaxın metrostansiya yaxınlığında “Dinamo”nun azarkeşləri tərəfindən döyülüb. Onların Azərbaycan bayrağı ilə, üstəgəl millimizin formaları ilə olması yerli azarkeşlərin qəzəbinə səbəb olub. Söz atışı nəticəsində isə bizim azarkeşlər döyülüb, paltarları cırılıb. Onlardan biri gözündən xəsarət alıb.

2-ci insident stadionun “Qəbələ”yə məxsus olan tribunasında yaşanıb. “Dinamo”nun son dəqiqələrdə vurduğu qoldan sonra “Qəbələ” azarkeşlərinin olduğu sektora yuxarı tribunalardan birindən petarda atılıb. Bu isə “Qəbələ”li azarkeşlərin hirslənməsinə səbəb olub. Onlar polis əməkdaşlarından yandırıcı fişəng atanların cəzalandırılmasını tələb ediblər. Bu isə polislərlə azarkeşlərimiz arasında yüngül insidentin yaşanmasına gətirib çıxarıb.

Ən nəhayət, “Qəbələ”nin azarkeşləri stadionu tərk edərkən “Dinamo” fanatları ilə münaqişə yaşanıb. Bu hadisə azərbaycanlı fanatların avtobusunun yaxınlığında baş verib. 3-cü insident zamanı ciddi xəsarət alanın olub-olmadığı bilinmir.

Həmçinin oxuyun

Qəfil ölümü ilə yadda qalan – Tanınmışlar

Ölümə bəzilərimiz adi, bəzilərimiz isə qorxulu hadisə kimi yanaşsaq da, bəzən taleyin qismətindən qaçmaq olmur. …

Bir cavab yazın