Çərşənbə axşamı , Oktyabr 15 2019
Ana səhifə / Şou Biznes / Sumqayıtda hərbçiləri daşıyan maşın teplovozla toqquşdu

Sumqayıtda hərbçiləri daşıyan maşın teplovozla toqquşdu

Sumqayıt şəhərində teplovozla hərbi avtomobil toqquşub.

Nəqliyyatda Baş Polis İdarəsinin Xaçmaz Xətt Polis Şöbəsindən ans press-ə verilən məlumata görə, hadisə bu gün saat 11 radələrində Azərbaycan Dövlət Dəmir yolunun Yaşma-Z.Taqıyev çeşidləmə mənzilinin 9-cu piçetində baş verib.

Bakıdan Yalamaya gedən Biləcəri Lokomotiv Deposunun maşinisti, 55 yaşlı Sumqayıt sakini Faiq Əzizovun idarə etdiyi teplovozla Məhəmməd Muxtarlının idarə etdiyi “Maz” markalı avtomobil toqquşub. Nəticədə hərbi qulluqçular Məhəmməd Muxtarlı və avtomobildə olan 5 əsgər müxtəlif xəsarətlərlə MN-in Mərkəzi Hospitalına çatdırılıblar.

Onların vəziyyətinin stabil olduğu bildirilir.

Fakt Xaçmaz Xətt Polis Şöbəsinin Sumqayıt bölməsində araşdırılır.

Virtualaz.org saytı bildirir ki, hadisə ilə bağlı Müdafiə Nazirliyinin saytı da məlumat yayıb. Həmin məlumatda isə deyilir: “Oktyabrın 30-da “Maz” markalı hərbi yük maşını dəmir yol ötürücüsünü keçərkən qatarla toqquşub. Qəza nəticəsində bir nəfər hərbi qulluqçu – avtomobilin sürücüsü əsgər Muxtarlı Məhəmməd Əhməd oğlu xəsarət alıb.

Əsgər M.Muxtarlı hərbi tibb müəssisəsinə yerləşdirilib.

Hadisə ilə əlaqədar cinayət işi başlanıb, Hərbi Prokurorluq tərəfindən araşdırma aparılır”.

Həmçinin oxuyun

Mətanət Abbası pərt etdi: “Süddən yanıqsan” – VİDEO

ATV-də yayımlanan “Üçümüz” əyləncəli-yumoristik proqramında qonaq olan Əməkdar artist Abbas Bağırov verlişdə pərt vəziyyətə düşüb. …

Bir cavab yazın