Sosial şəbəkələr ömrü uzadır?!

Sosial şəbəkələrdə fəallıq insan ömrünün uzunluğuna təsir edir. Bununla bağlı ABŞ-ın Kaliforniya Universitetinin alimləri araşdırma aparıblar. Tədqiqat nəticəsində məlum olub ki, virtual dostluq real sosial əlaqələrə mükəmməl alternativ ola bilər.

Kaliforniyalı alimlər “Facebook” sosial şəbəkəsində profili olan 12 milyondan çox pasientin tibbi kartoçkalası öyrənilib. Məlum olub ki, aktiv istifadəçilərdə ən kiçik ölüm faizi müşahidə olunur. Araşdırma zamanı o da məlum olub ki, şəxsin sağlamlığına onun virtual dostlarının sayı təsir edir. Alimlər qeyd edirlər ki, dostları siyahısına əlavə etmə şəxsin özü tərəfindən dostluq göndərmədən daha çox əhəmiyyətlidir.

Ekspertlər bildirirlər ki, virtual əlaqələr real dostluğa mükəmməl alternativ ola bilər. Ancaq bununla belə sosial şəbəkələrin xeyri haqqında danışmaq hələ tezdir. Çünki ən sağlam insanlar real həyatda münasibət quranlardır. (Virtualaz.org)