Cümə , İyul 19 2019
Ana səhifə / Şou Biznes / Şeyxin qudası pivə içən molladan danışdı – “Heç zaman əsl molla ola bilməz”

Şeyxin qudası pivə içən molladan danışdı – “Heç zaman əsl molla ola bilməz”

Qafqaz Müsəlmanları İdarəsinin sədri Hacı Allahşükür Paşazadənin qudası, Milli Məclisin keçmiş deputatı Hacı Qalib Salahzadə Bakıda mollanın pivə içməsi ilə bağlı yayılan məlumatlara münasibət bildirib.

Azinforum.az-ın məlumatına görə, Qalib Salahzadə ölkə.az-a açıqlamasında deyib ki, pivə içən adam heç zaman əsl molla ola bilməz:

“Açığı, mən o fotoları görməmişəm. İndi dəqiq bilmirəm ki, o adam doğrudan da molladır, ya yox! Dində də spirtli içki içmək qəbul edilmir”.

Dindarların “hacı pivəsi” adlanan içkiləri içməsinin halal-haram olması məsələsinə də toxunan sabiq deputat qeyd edib ki, hazırda bir çox ölkələrdə, o cümlədən Məkkədə satışda “hacı pivəsi” satılır:

“Mən Həcc ziyarətinə gedən zaman Məkkədə “həci pivəsi” görmüşəm. Bilirəm ki, Səudiyyə Ərəbistanında belə bir içki satışda var. Bu cür içkilər də son illər əmələ gəlib. Əvvəllər belə hallar yox idi. Ancaq mən o içkidən istifadə etməmişəm. Ümumiyyətlə, mən 1990-cu ildən bəri heç zaman spirtli içki qəbul etməmişəm. Bundan sonra da istifadə etməyəcəm. Çünki mən 2 dəfə Kəbə Evinin içərisində olmuşam”.

Xatırladaq ki, Bakıda pivəxanaların birində oturub pivə içən mollanın fotoları çəkilərək sosial şəbəkələrdə yayılıb.

Həmçinin oxuyun

Məleykə Əsədovanın İsveç sərgüzəştləri – Video

Xalq artisti Məleykə Əsədova qızı Gülərlə birlikdə İsveçdə dincəlir. İstirahət videolarını sosial şəbəkədə paylaşan aktrisa …

Bir cavab yazın