Sevil Əliyevadan vəfat etmiş bibisinə vida jesti – FOTO

Xəbər verdiyimiz kimi bu gün tanınmış alim, kimya elmləri doktoru, professor Rəfiqə Əliyeva vəfat edib. Rəfiqə Əlirza qızı Əliyeva Azərbaycanın mərhum dövlət başçısı Heydər Əliyevin bacısı, ölkənin hazırki prezidenti İlham Əliyevin bibisidir.

Mərhum Rəfiqə xanım məşhur modelyer Fəxriyyə Xələfovanın anasıdır. R.Əliyeva Azərbaycan baş nazirinin keçmiş müavini, sabiq deputat, mərhum Rafiq Xələfovun həyat yoldaşı olub.
Turkustan.info xəbər verir ki, bu gün bibisinin vəfatı ilə bağlı H.Əliyevin qızı Sevil Əliyeva da öz hisslərini ifadə edib. Sevil xanım İnstagram səhifəsində Heydər Əliyevlə bacısı Rəfiqə Əliyevanın birlikdə olduqlarını əks etdirən tarixi fotoşəkili paylaşıb.