Ana səhifə / Şou Biznes / Sevda və Miri Yusifə qarşı təxribat – VİDEO

Sevda və Miri Yusifə qarşı təxribat – VİDEO

Xalq artisti Miri Yusif və müğənni Sevda Yahyayevanın rəsmi feysbuk səhifələri ələ keçirilib. Ümumilikdə 400 mindən çox izləyicisi olan bu səhifələrin cənub-şərqi asiyadan olan dələduzlar tərəfindən fişinq metodu ilə oğurlandığı iddia olunur. Bəs feysbuk səhifələrində  minlərlə izləyicisi  olan şəxslər bu cür problemlə qarşılaşmamaq üçün nə etməlidirlər? Informasiya texnologiyaları üzrə ekspert fərid pərdəşünas məsələdən çıxış yollarını izah edir.

Birinin 319 min, digərinin isə 162 mindən çox izləyicisi olan rəsmi feysbuk səhifəsi ələ keçirildi. Bu hesablarda hazırda onlara məxsus olmayan müxtəlif videolar paylaşılır.

Belə bir hadisə ilə vətəndaşların “Miri Yusif” kimi tanıdığı xalq artisti Miryusif Mirbabayev və müğənni Sevda Yahyayeva qarşılaşıb. Miri Yusifin 162 mindən, Sevda Yahyayevanın isə 319 mindən çox izləyicisi olan rəsmi feysbuk səhifəsi ələ keçirilib. Hər iki müğənni bu hadisə ilə bağlı açıqlama verməsələr də, bu problemlə minlərlə izləyici topalayan, rəsmi feysbuk səhifəsi olan digər şəxslər də qarşılaşa bilərlər. İnformasiya texnologiyaları üzrə ekspert Fərid Pərdəşünasın sözlərinə görə, bu hesablar Kamboca, Tayland və digər cənub-şərqi Asiya ölkələrindən olan dələduzlar tərəfindən fişinq metodu ilə oğurlanıb

Burada məqsəd feysbuk tərəfindən rəsmi təsdiqlənmiş səhifələri ələ keçirib, onlar vasitəsilə pul qazanmaqdır. Bu məqsədlə bir vasitəçi şirkət adından, dünyada tanınan müxtəlif brendlərin reklamını yerləşdirmək adı ilə səhifəni idarə edənlərə yazırlar və 1 günlük reklam üçün böyük məbləğdə pullar təklif edirlər. Daha sonra “Facebook Business menecer” vasitəsilə səhifədə reklam yerləşdirmək üçün sorğu göndərirlər.

Bəs bu cür problemlə qarşılaşmamaq üçün nələrə diqqət etmək lazımdır? Ekspert hesab edir ki, belə vəziyyətdə ilk olaraq səhifəyə xarici ölkələrdən istənilən sorğu gəldiyi zaman diqqətlə oxunmalı və razılaşmadığınız təqdirdə heç bir sorğu qəbul edilməməlidir.

Fərid Pərdəşünas onu da bildirdi ki, ələ keçirilən rəsmi feysbuk səhifəsinin bərpası uzun müddət çəkir. Bunun üçün həmin səhifəni idarə edən şəxs Facebook-a rəsmi qaydada müraciət etməlidir.

Həmçinin oxuyun

“Plastik əməliyyatla 15 yaş cavanlaşdım” – Kübra Əliyeva

Əməkdar artist Kubra Əliyeva plastik əməliyyatla görünüşündə dəyişiklik etdirib. Aktrisa 15 yaş cavanlaşdığını deyib. Bu …