Cümə axşamı , Mart 28 2024
Ana səhifə / Şou Biznes / Şəkərli xəstələrə içərisinə su doldurulmuş “dərmanları” necə satırlar…

Şəkərli xəstələrə içərisinə su doldurulmuş “dərmanları” necə satırlar…

Azad İstehlakçılar Birliyinə “Şəkərli diabetin müalicəsində yenilik”, “qanda şəkərin azalması”, “qanda xolesterinin azaldılmasına yardım” kimi reklam edilən fitospreylərlə bağlı şikayətlər daxil olub. Araşdırma zamanı məlum olub ki, spreylərin içərisinə hər hansı bir dərman deyil, su doldurulub.

Bu barədə virtualaz.org saytına təşkilatın rəhbəri Eyyub Hüseynov məlumat verib.

Hüquq müdafiəçisinin sözlərinə görə, 76-80 manata satılan spreyləri internet vasitəsilə sifariş etməklə də almaq mümkündür: “Təşkilata müraciət edən şikayətçilər bildirirlər ki, spreyləri qanda xolesterinin azaldılmasına təsir edən dərman kimi alıblar. Preparat sifariş ediləndən sonra poçt vasitəsilə çatdırılır”.

Spreylərin Moskvadan göndərildiyi bildirilsə də, içərisində Azərbaycan dilində təlimat var: “Təlimatda yazılanlarla reklamda göstərilənlər fərqlidir. Məlum olur ki, bu spreylər nə şəkərli diabet xəstələrinə, nə də arıqlamaq arzusunda olanlara təsir etmir. Araşdırma zamanı o da məlum olub ki, Azərbaycanda bu spreylərin satışı ilə məşğul olanlar var. Onların ofisi Mirəli Seyidov küçəsi, 48 ünvanında yerləşir”.

Azad İstehlakçılar Birliyi məsələ ilə bağlı İqtisadiyyat Nazirliyinə müraciət edib.

Qeyd edək ki, dərmanın təlimatında spreyin yeməkarası 3-4 dəfə istifadə edilməsi məsləhət görülüb. Dərmanın tərkibinə vurulan xüsusi enerji yaradan maddə aclıq hissini azaldırmış.

E.Hüseynov isə vətəndaşlardan onlayn mal və məhsul sifariş edərkən ehtiyatlı olmalarını tövsiyə edir.

 

Həmçinin oxuyun

“Səsim batmışdı, elə bilirdilər lalam”

“Səsim necə batmışdısa… 2 il zorla danışırdım”.  Axşam.az xəbər verir ki, bu sözləri aşıq Zülfiyyə …

Bir cavab yazın