Ana səhifə / Şou Biznes / Qubernator SOCAR prezidentindən üzr istədi – Bayraq skandalı

Qubernator SOCAR prezidentindən üzr istədi – Bayraq skandalı

Ötən həftə Azərbaycan Respublikası Dövlət Neft Şirkətinin (SOCAR) prezidenti Rövnəq Abdullayev Gürcüstana səfəri çərçivəsində bir sıra tədbirlərdə iştirak edib. 
 
Modern.az saytı xəbər verir ki, Rövnəq  Abdullayev azərbaycanlıların kompakt yaşadığı Kvemo Kartli regionunda olub, qubernator Paata Xizanaşvili ilə görüşüb.
SOCAR prezidenti 2015-ci ilin noyabrında Azərbaycan Prezidenti cənab İlham Əliyevin Gürcüstana səfəri zamanı bölgə əhalisi ilə görüşdə kənd təsəsrrüfatının inkişafı və daha da genişləndirilməsi üçün bütün köməkliklər göstəriləcəyi haqda fikirlərini xatırladaraq bildirib ki, dövlət başçısının hədiyyəsi olaraq yeni kənd təsərrüfatı texnikası Kvemo Kartli əhalisinin istifadəsinə vermək üçün təqdim edilir.
R.Abdullayev Gəncə Avtomobil Zavodunun istehsalı olan 10 ədəd traktor və kotanı Kvemo Kartli quberniyası adminstrasiyasına təqdim edib.
Görüşdə SOCAR və Kvemo Kartli Qubernatorluğu arasında Əməkdaşlıq Memorandumu imzalanıb.
Mərasimdə Azərbaycan Respublikasının stolüstü Dövlət bayrağının qoyulmasında protokol qayralarının pozulması ilə bağlı yalnışlıq baş verib. Bununla əlaqədar olaraq Kvemo Kartli bölgəsinin qubernatoru Paata Xizanaşvili öz “facebook” səhifəsində Azərbaycan Respublikası Dövlət Neft Şirkətinin prezidenti Rövnəq Abdullayevə üzrxahlıq müraciəti ünvanlayıb:
Hörmətli Rövnəq müəllim!
Sizə ünvanladığımız bu müraciətlə 4 mart 2016-cı il tarixdə Azərbaycan Respublikası Dövlət Neft Şirkəti ilə Gürcüstanın Kvemo Kartli bölgəsinin Qubenatorluğu arasında əməkdaşlığa dair Memorandumun imzalanması zamanı Azərbaycan Respublikasının stolüstü Dövlət bayrağının qoyulmasında protokol qaydalarının pozulması ilə nəticələnən yanlışlığa görə Sizdən üzr istəməyi özümə borc bilirəm və Sizə olan dərin hörmətimi bir daha bəyan edirəm.
Biz Azərbaycan Respublikası Dövlət Neft Şirkətinin Gürcüstanda həyata keçirdiyi genişmiqyaslı layihələri yüksək qiymətləndirir və ümid edirik ki, ölkələrimiz arasındakı əməkdaşlıq bundan sonra daha da genişlənəcək və dərinləşəcək. Bir daha baş vermiş hadisəyə görə dərindən təəssüfləndiyimizi bildirir və ümid edirik ki, bu təsadüfi səhv Azərbaycan və Gürcüstan xalqları arasında əsrlər boyu mövcud olmuş və bu gün də uğurla davam edən qardaşlıq əlaqələrinə heç bir xələl gətirməyəcək. Eyni zamanda məlumat veririk ki, qeyd edilən xətaya yol vermiş əməkdaşlarımız artıq müvafiq qaydada cəzalandırılıblar.

Həmçinin oxuyun

“Məni 3 manatlıq şorbaya görə iftara dəvət etməyin”

“Məni 3 manatlıq şorbaya görə iftara dəvət etməyin”Müğənni Kərim Abasov onu iftar süfrəsinə dəvət edən …

Bir cavab yazın