Qar uçqununa düşən əsgərimizin meyiti tapılıb

Fevralın 9-da Murovdağ silsiləsində xidməti vəzifəsini yerinə yetirərkən baş vermiş qar uçqunu nəticəsində həlak olan əsgər Rüstəmov Ülvi Əhməd oğlunun nəşi hadisə yerindən çıxarılıb.

Bu barədə Azinforum.az-a Müdafiə Nazirliyinin mətbuat xidmətində bildirilib.

Qeyd edilib ki, Əsgər Ü.Rüstəmovun nəşi bu gün dəfn olunması üçün doğulduğu Ağcabədi rayonuna aparılıb.

Müdafiə Nazirliyinin rəhbərliyi təbii fəlakət nəticəsində həlak olmuş əsgərimizin yaxınlarına, əzizlərinə dərin hüznlə başsağlığı verir və səbr diləyir!