“Həqiqətən, Biz onu (Quranı) Qədr nazil etdik! Sən nə bilirsən ki, Qədr gecəsi nədir?! Qədr gecəsi min aydan daha xeyirlidir! O gecə mələklər və ruh (Cəbrail) Rəbbinin izni ilə hər bir işdən dolayı yerə enərlər. O gecə dan yeri sökülənə kimi (büsbütün) salamatlıqdır!” “Qədr” surəsi. 1-5-ci ayələr
Kitablarımı və məqalələrimi daim izləyən, elmi-laduna maraq göstərən oxucularımdan biri yazır ki, yazılarınızı oxuduqca, “Quran”dakı rəqəmlər haqda çox düşündüm və arzuladım ki, mən də bu müqəddəs kitabdan bir şey kəşf edim. Ramazan ayında “Qədr” surəsi ilə bağlı yuxuda belə bir maraqlı hesablama gördüm:
“Qədr” surəsi 97-ci surədir ve 5 ayədən ibarətdir. Bunu nəzərə alıb, 97-ni 5-ə bölsək, 19 alınır və 2 qalıq qalır.
Qədr gecələrinin ehtimal olunduğu Əhya gecələri bunlardır: 19, 21, 23, 25.
Maraqlıdır ki, bunların hər birinin üzərinə qalıqdakı 2-ni əlavə etdikdə, növbəti əhya gecəsinin tarixi alınır:
19 + 2 = 21;
21 + 2 = 23;
23 + 2 = 25;
25 + 2 = 27.
Quranın surələri:
19 “Məryəm” surəsi;
21 “Peygəmbərlər”;
23 “Mömünlər”
25 “Furqan”
27 “Qarışqalar” surəsi – xalqa işarədir.
“And olsun ki, Biz Quranı (ondan) ibrət almaq (öyüd-nəsihət qəbul etmək) üçün belə asanlaşdırdıq. Amma heç bir ibrət alan (öyüd-nəsihət qəbul edən) varmı?!” “Ay” surəsi, 17
Qeyd: Yerə endirilən dörd səmavi kitabın (Tövrat, Zəbur, İncil, Quran) hamısı Ramazan ayında nazil olmuşdur.
Paşa Yaqub – tədqiqatçı-yazıçı