Çərşənbə , Sentyabr 22 2021
Ana səhifə / Şou Biznes / Onlayn dərsdə istədiyin səviyyə və keyfiyyət olmur… – Xalq artisti

Onlayn dərsdə istədiyin səviyyə və keyfiyyət olmur… – Xalq artisti

“Muğam müsabiqəsi Şuşada keçirilə bilər”.
Bunu Qaynarinfo-ya açıqlamasında Xalq artisti, muğam ifaçısı Mənsum İbrahimov deyib. Sənətkar bu il üçün keçirilməli olan Muğam müsabiqəsinin pandemiya səbəbindən təxirə salındığını da vurğulayıb:
“Bu il müsabiqənin vaxtı idi, amma olmadı, pandemiya imkan vermədi. Muğam müsabiqəsi canlı və tamaşaçı ilə keçirilməlidir. Müsabiqə tamaşaçısız olsa, o effekti verməyəcək. Hələ bundan əvvəl də müsabiqənin seçim turu olmalıdır. Seçim turu da bölgələrdə aparılır. Öncə müsabiqədə iştirak üçün 20 nəfər seçilməlidir”.
Sənətkar teatr və konsert salonlarının açılmasına ümid etdiyini bildirib:
“Yaradıcılıqdan, səhnədən uzaq qalmaq sənət adamları üçün çox çətindir. İki ilə yaxındır ki, səhnəyə çıxmırıq, teatr və konsert salonlarımız bağlıdır. Yoluxma çoxdur, görək nə qərar verəcəklər. Amma hələ rəsmi sevindirici xəbər yoxdur. Təkçə teatr deyil, konsert salonlarımız da qapalıdır. Ümid bəsləyirik ki, vaksinləşmə prosesindən sonra bəlkə yayılma azalar,  salonlar açılar. Dərslərimiz də dayanıb. Bütün dərslər onlayndır. Onlayn dərsdə istədiyin səviyyə və keyfiyyət olmur, xüsusən də muğam sənətində”.

Həmçinin oxuyun

Aşıq Zülfiyyə “ikinci restoran”ıyla bağlı fikirlərə aydınlıq gətirdi

“İkinci restoran almamışam”.Bunu Qaynarinfo-ya açıqlamasında Aşıq Zülfiyyə pandemiya dövründə ikinci restoran alması ilə bağlı məlumata aydınlıq gətirərkən deyib. …