“Naxçıvan Muxtar Respublikasının coğrafiyası” –1-ci cild təqdimata hazırlanır

AMEA akademik H.Ə.Əliyev adına Coğrafiya İnstitutun alimləri – elmi işlər üzrə direktor müavini, AMEA-nın müxbir üzvü Elbrus Əlizadə, baş elmi işçi, c.ü.f.d. Məhərrəm Həsənov və aparıcı elmi işçi, c.ü.f.d. Elina Kərimova oktyabrın 23-24 tarixində Naxçıvan Muxtar Respublikasına ezam oluniblar.

AMEA-dan verilən məlumata görə, Coğrafiya İnstitutunun Elmi şurasının qərarı, AMEA Naxçıvan bölməsi və Naxçıvan Ali Məclisinin dəstəyi ilə hazırlanan “Naxçıvan Muxtar Respublikasının coğrafiyası” ikicildliyinin NMR-in fiziki coğrafiyasına həsr olunmuş 1-ci cildi artıq hazırdır və institutun adları çəkilən əməkdaşları həmin cildi çapa təqdim etmək üçün muxtar respublikaya gedəcəklər.

Kitabın Naxçıvanın iqtisadi-sosial coğrafiyasına həsr olunan 2-ci cildinın çapı bu ilin sonunadək nəzərdə tutulub