Çərşənbə , İyul 24 2019
Ana səhifə / Şou Biznes / Narazı tələbələrlə bağlı islahatlar

Narazı tələbələrlə bağlı islahatlar

Xarici Dillər Universitetində rektor təyin olunan Kamal Abdulla iclas keçirib.

Lent.az-ın xəbərinə görə, iclasda yeni qaydalar müəyyənləşib və rektor bəzi qərarlar verib.

Universitetdə qəbul edilmiş yeni qərarlar bundan ibarətdir:

– Yay məktəbi tam pulsuz olacaq;

– Apelyasiya imtahanlarında maksimum bal 2-dən 5-ə qaldırılacaq;

– İmtahan nəzarətçiləri fənn və ya fənnə yaxın müəllimlər olacaq;

– İmtahan nəzarətçiləri otaqda gəzməyəcək, tələbənin başının üstündə dayanmayacaq, yerində oturacaq;

– Çöldə əlavə nəzarətçilər olmayacaq, hər imtahan otağında bir nəzarətçi olacaq;

– Universitetdə kitabxana punktu yaradılacaq, tələbələr kitab üçün universitetin Təbriz küçəsindəki tədris binasına getməyəcək. Tələbə kitabın adını deyəcək və kitabxana əməkdaşları həmin kitabı gətirib verəcək;

– 4-cü kursda oxuyan oğlan tələbələrə əsgərlik probleminə görə kəsirlərində köməklik olunacaq;

– İslam oyunları könüllüləri üçün heç bir problem yaranmayacaq;

– Tələbənin üzrlü səbəbi olarsa, onun üçün imtahanın vaxtı dəyişdiriləcək;

– Təhsil haqqının ödənişi ilə bağlı çətinlik yaranarsa, rektora ərizə ilə bildiriləcək.

Həmçinin oxuyun

Xalq artisti Flora Kərimovanın doğum günüdür

Azərbaycan estradasının canlı əfsanəsi Flora Kərimova bu gün 78 yaşını qeyd edir. 1941-ci il iyulun …

Bir cavab yazın