Bazar ertəsi , Oktyabr 21 2019
Ana səhifə / Şou Biznes / Keçmiş kollektivi Mədət Quliyevi təbrik etdi

Keçmiş kollektivi Mədət Quliyevi təbrik etdi

Ədliyyə Nazirliyi Penitensiar xidmətinin kollektivi general-leytenant Mədət Quliyevi milli təhlükəsizlik nazirinin birinci müavini təyin olunması münasibəti ilə təbrik edib. Report-un xəbərinə görə, təbrik mətnində deyilir:

“Ədliyyə Nazirliyi Penitensiar xidmətinin kollektivi sizi Prezident İlham Əliyevin sərəncamı ilə Milli Təhlükəsizlik orqanlarında yüksək vəzifəyə təyin edilməyiniz münasibətilə böyük qürur və fəxarətlə səmimi qəlbdən təbrik edir.

Ümummilli Liderimizin layiqli davamçısı, möhtərəm Prezidentimiz İlham Əliyevin dövlətimizin ən vacib sütunlarından biri olan Milli Təhlükəsizlik Nazirliyinin sükanını sizə etibar etməsi həyatınızın böyük bir hissəsini sərf etdiyiniz cinayətkarlıqla mübarizədə gücünüzü və sağlamlığınızı əsirgəmədən yüksək nailiyyətlər əldə etməyinizə, qanunun keşiyində hər zaman sayıq durmağınıza, xalqımızın Milli Qəhrəmanı olaraq millətimizin və müstəqil dövlətimizin mənafeyini bütün maraqlardan üstün tutmağınıza, xüsusi ilə son illər Sizin əzmlə çalışdığınız ədliyyə orqanlarına və onun rəhbərliyinə göstərilən yüksək etimaddır.

Bir daha sizi və hazırda rəhbəri olduğunuz kollektivi təyinatınız münasibəti ilə təbrik edir və inanırıq ki, ədliyyə orqanlarındakı gərgin əməyiniz, prinsipial mövqeyiniz, çevik və cəsarətli addımlarınız sayəsində əldə etdiyiniz nailiyyətlər ölkənin daxili sabitliyinin qorunması və təhlükəsizliyinin təmin olunması sahəsində də öz töhfəsini verəcək”.

Həmçinin oxuyun

“Mənim, yengəyə ehtiyacım yoxdur” – Mələk Heydərova

“Çərçivə qoyulanda da özümüzü itirdik. Bizi bir az çərçivəyə saldılar, biz konkret qapandıq özümüzə. Yəni …

Bir cavab yazın