Ağcabədi rayonunda bu il oktyabrın 17-də itkin düşən Valeh Qanboy oğlu İsmayılovun meyidi tapılıb. Onun cansız bədəni Yuxarı Qarabağ kanalının İmişli rayonu ərazisindən keçən hissəsində aşkarlanıb.
Meyid müayinə olunub və üzərində heç bir zorakılıq əlaməti aşkarlanmayıb. İndi hadisənin qəsd və ya intihar olub-olmadığı araşdırılır. İlkin ehtimala görə, ölümün səbəbi suda boğulmadır. Mərhumun meyidi ailəsinə təhvil verilib.
Bildirək ki, mərhum Ağcabədidə “Kolxoz bazarı” adlanan yerdə xarici valyutanın alqı-satqısı ilə məşğul olub.
Faktla bağlı Ağcabədi Rayon Polis Şöbəsi tərəfindən axtarış elan edilib.
Onu da bildirək ki, bir müddət öncə də xarici valyutanın alqı-satqısı ilə məşğul olan iki nəfər Ağcabədi rayon sakini müəmmalı şəkildə yoxa çıxıb. (Region TV)