Azinforum.az İnformasiya Portalı Onlayn Xəbər Portalı
İranın ədliyyə naziri ötən gün edam hökmünə məhkum edilmiş milyarder Babək Zəncaniyə maraqlı təklif verib.
Avropa.info xəbər verir ki, nazir Zəncaninin dövlətə olan 2.8 milyard dollar borcunu ödəyəcəyi təqdirdə ona verilən cəzanın dəyişə biləcəyini bildirib.
Zəncani 3 oktyabr 2015-ci il tarixində Tehrandakı İnqilab Məhkəməsində başlayan iddia ilə İran qanunlarına görə cəzası edam olan “yer üzündə korrupsiyanı yaymaq”-da ittiham olunurdu.
Milyarder məhkəmənin qərarından sonra vəkili vasitəsilə göndərdiyi ismarışda yeganə məqsədinin İran hökumətinə xidmət etmək olduğunu bildirib.
Mətbuatda dərc olunan xəbərlərə görə İranın ədliyyə naziri Mustafa Pur Məhəmmədi buna cavab olaraq “Pulu bank hesabımızda gördüyümüz anda, əməkdaşlıq etdiyini anlayacağıq. Ancaq indiyə qədər əməkdaşlıq etdiyini görməmişik” deyə bildirib.
Xatırladaq ki, Türkiyədə iş adamı Rza Zərrabın şəriki olaraq tanınan və İran dövlətini 2 milyard 800 milyon dollar aldatmaqda təqsirkar bilinərək mühakimə olunan iş adamı Babək Zəncani bu ilin mart ayının 6-da edam cəzasına məhkum edilmişdi.
